Xestos dunha cultura.

A Parroquia de Lousada é un lugar moi especial, por moitos motivos. Tantos e interesantes, que consideramos que merece por dereito propio consumir os folgos que sexa precisos para transmitir e divulgar esta singularidade.

Galicia contén moitas “Lousadas”, moitas Terras e Parroquias tan importantes e singulares que ben merecerían esforzos equivalentes. Sirva, pois, o caso de Lousada como exemplo e resumo desta realidade; síntoma evidente dun potencial que agarda mellor destino.

Neste modesto vídeo, o sr. Eugenio e mailo seu fillo Nito amósannos a forza e a autenticidade que reside no interior dos xestos caseños. Cousas miúdas sobre as que se mantén en pe calquera cultura; calquera imperio. Moitas destas accións, lamentablemente, son xa apenas “materia de museo”, escenas dun mundo cotiá que compre documentar e compartir. É por elo que inauguramos con esta entrada o noso “Museo Galego dos Xestos”, en colaboración ca Sociedade Antropolóxica Galega SAGA.