Caderno da neveira

Baixo desta bitola achegaremos imaxes que permitan realizar unha apropiación sentimental das paisaxes da parroquia de Lousada. Toda imaxe ó é. Tanto para quen a produce como para quen a consome. Sempre é un acto de lícita apropiación moral que fai doado un proceso que sempre lle compre a toda cultura: a implicación e a complicidade. Por elo tamén, agradecemos toda apropiación moral e, dende agora, negamos as apropiacións maliciosas das imaxes dos sitio. Todas teñen propietario. Pedimos, pois que se cite á orixe das mesmas no caso de reutilizalas, cousa que agradecemos. Se a socialización senta as bases na nenez – é cousa sabida, a verdadeira patria é a infancia – a súa actualización é unha condición sen a cal as culturas esmorecen. Que non esmoreza a nosa é tarefa colectiva que implica complicidade. Neste caso resulta mais importante participar que crer. As imaxes deste álbum queren dar a cheda nesa dirección. En breve iremos subindo imaxes da mellor calidade que nos sexa posible, en substitución das seguintes...