Non son poucos os documentos que achegan información interesante sobre a Lousada de finais do Antigo Réxime, axudando así a recrear unha imaxe, mais plausible que exhaustiva - é dicir, mais operativa que exacta – do contexto local da Casa da Neveira. En sucesivas entradas do blog analizaremos varias destas fontes e outras, que si ben non remiten directamente á parroquia de Lousada ou á súa neveira, si que achegan datos relevantes para entender o funcionamento desta explotación dentro da sociedade da época.
Así, mediante estas indicacións e a transcendental información achegada polas xentes de Lousada e as demais parroquias de Xermade, mailo concurso dos elementos do patrimonio inmaterial e moitas veces o material, presentes na zona, tentaremos compoñer unha imaxe dan definida como sexa posible do significado e importancia da Casa da Neveira, entendido como testemuña dun tempo e dun espazo físico cuxa memoria permite hoxe relativizar e repensar o noso presente como sociedade.
O Antigo Réxime en Galicia.
Baixo esta denominación fica comprendido un amplo período de abrangue os séculos XVI, XVII, XVIII e, cando menos a primeira metade do XIX. Un amplo período, pois, da cabalo entre as estruturas feudais e aqueloutras propias da industrialización, a creación dos estados de corte liberal e o capitalismo de finais do século XX.
.
 |  |
|---|---|
 |  |